Rusiya prezidenti Vladimir Putin Prezident Administrasiyasının rəhbəri kimi Sergey İvanovun işindən məmnun olduğunu bildirib.

Unikal.org "RİA Novosti"yə istinadən xəbər verir ki, Rusiya prezidenti S.İvanovun özünün onu başqa işə keçirməyi xahiş etdiyini vurğulayıb: "Hörmətli Sergey Borisoviç, sizinlə uzun illərdir birlikdə çalışırıq. Uğurla çalışırıq. Təyin olunmuş sahələrdə tapşırıqları yerinə yetirməyinizdən razıyam".

Xatırladaq ki, bu gün Rusiya prezidenti Prezident Administrasiyasının rəhbəri Sergey İvanovu vəzifəsindən azad edərək bu posta Anton Vaynonu təyin edib.