"Hakimlər mənə haqsızlıq etdilər. Mən çempion idim. Hər 3 raundda rəqibi döysəm də, bacardığım qədər döyüşsəm də, qərar mənim əleyhimə verildi".

Unikal.org-un məlumatına görə, bunu Azərbaycan boksçusu Lorenso Sotomayor 2016-cı il Rio-de-Janeyro Yay Olimpiya Oyunlarında 64 kq. çəki dərəcəsində gümüş medal qazandığı final qarşılaşmasından sonra deyib.

O bildirib ki, həlledici görüşdə özbəkistanlı Fazliddin Qaibnazarovla görüşdə haqsızlıqla üzləşib:

"Sonuncu raundda əmin idim ki, qalib gəlmişəm. Amma hakim mənə qarşı haqsızlıq etdi. Qızıl medal qazanmaq istəyirdim. Həqiqətən də hakim mənə qarşı ədalətsizlik etdi".

Azərbaycanı çox sevdiyini deyən kubalı legioner fikirlərini "Bu ölkə mənim evimdir" sözləri ilə yekunlaşdırıb.

Qeyd edək ki, olimpiya millimizdən artıq 3 idmançıdır ki, hakim qərəzliliyindən şikayət edir. 
Fəridə Əzizova bürüncə gedən yolda, sərbəst güləşçimiz Cəbrayıl Həsənov final görüşündə hakimin qərəzli qərarından şikayətlənmişdi. 
İndi də boksçumuz Sotamayar...