Unikal.org islam.az-a istinadən bildirir ki, birinci imam Həzrət Əlinin (ə) məzarı İraqın Nəcəf şəhərindədir. İkinci imam Həsənin, dördüncü imam Zeynül-abidinin, beşinci imam Mühəmməd Baqirin və altıncı imam Cəfər Sadiqin (ə) məzarları Mədinə şəhərindəki Bəqi qəbristanlığında yerləşir. Əvvəllər bu dörd məzarın üzərində möhtəşəm qübbələr var idi, vəhhabilər onları yerlə-yeksan etmişlər. Üçüncü imam Hüseynin (ə) məzarı İraqın Kərbəla şəhərindədir. Yeddinci imam Musa Kazimin və doqquzuncu imam Mühəmməd Təqinin (ə) məzarları İraqın Kazimeyn şəhərciyində yerləşir. Səkkizinci imam Rzanın (ə) məzarı İranın Məşhəd şəhərindədir. Onuncu imam Əli Nəqinin və on birinci imam Həsən Əskərinin (ə) məzarları İraqın Samirə şəhərində yerləşir. On ikinci imam Mehdi (ə) diridir və gözlərdən gizli qeyb halındadr.