Dövlət Təhlükəsizliyi Xidmətində (DTX) yeni təyinatlar olub.

Unikal.org apa-ya istinadən əldə etdiyi məlumata görə, prezident İlham Əliyev imzaladığı sərəncamla İsmayıl Bağırov DTX-nin rəis müavini təyin edilib.

İ.Bağırov ləğv olunmuş Milli Təhlükəsizlik Nazirliyində (MTN) yüksək vəzifələrdə çalışıb, sonradan MTN-dən uzaqlaşdırılıb. Mədət Quliyev DTX rəisi təyin olunandan sonra isə təcrübəli mütəxəssis kimi yenidən xidmətə qaytarılıb.

Xatırladaq ki, unikal.org-un əldə etdiyi məlumata görə, Mədət Quliyev bir müddət əvvəl  ləğv edilmiş Milli Təhlükəsizlik Nazirliyinə müavin təyin edildikdən sonra polkovnik İsmayıl Bağırovu imzaladığı əmrlə MTN Əks-Kəşfiyyat İdarəsinin rəisi təyin edilib.

 

DTX rəisi, general-leytenant Mədət Quliyevin imzaladığı müvafiq əmrlə isə Əli Şəfiyev Dövlət Təhlükəsizliyi Xidmətinin Heydər Əliyev adına Akademiyasının rəisi vəzifəsinə təyinat alıb.

Ə. Şəfiyev milli təhlükəsizlik nazirinin müavini olub.

DTX-nin bütün idarələrinə də yeni rəislər təyin olunub.

DTX-dan yeni təyinatların olduğu barədə məlumatı apa-ya təsdiqləyiblər.