Lənkəran ŞİH-nin başçısı Taleh Qaraşov növbəti səyyar qəbul-görüşünü martın 17-də Rvo kəndində keçirib.

İH-dən unikal.org-a daxil olan xəbərə görə, görüşdə İcra başçısının müavinləri və aparatın şöbə müdirləri, hüquq-mühafizə orqanlarının, idarə, müəssisə, təşkilatların və xidmət sahələrinin rəhbərləri, 300 nəfər kənd sakini iştirak edib.

İcra başçısının Rvo inzibati ərazi dairəsi üzrə nümayəndəsi Oruc Şərbətov ərazi barədə məlumat verib, əhalinin məşğuliyyəti, görülən işlər və bir sıra mövcud problemlər barədə söhbət açıb.

Rvo bələdiyyəsinin sədri Kamal Hüseynov inzibati ərazi dairəsində aparılmış abadlıq-quruculuq işləri barədə danışdı, bəzi problemləri diqqətə çatdırıb.

Kənd sakinlərindən Tehran Həsənov, Arif Məmmədov, Emin Quliyev və başqaları bir sıra təkliflər irəli sürüblər.

Lənkəran ŞİH-nin başçısı Taleh Qaraşov kənd sakinlərini qarşıdan gələn Novruz bayramı münasibətilə təbrik etdi, hamıya ən xoş və səmimi arzularını çatdırıb.

Görüşü yekunlaşdıran İcra başçısı ölkədə hökm sürən siyasi sabitliyin, dinamik inkişafın Heydər Əliyev siyasi kursunun bəhrəsi olduğunu xüsusi vurğulayıb. Prezident İlham Əliyevin tapşırığına əsasən yerlərdə əhalinin sosial problemlərinin həllinin ən ümdə vəzifə olduğunu söyləyən natiq bu istiqamətdə nəzərdə tutulan işlərdən geniş bəhs edib, dövlət başçısı tərəfindən anti-böhran tədbirlərinin misilsiz əhəmiyyətini qeyd edərək ictimai asayişin hamılıqla qorunmasının vacibliyini bildirdi və bütün sakinləri prezidentin ərtrafında sıx birləşməyə, ictimai-siyasi vəziyyətin sabitliyini qorumağa çağırıb.

İcra başçısı sonda Rvo inzibati ərazi dairəsinin sosial-iqtisadi problemlərinin həlli istiqamətində nəzərdə tutulan tədbirləri qeyd etməklə bərabər, bu sahədə vəziyyətin yaxşılaşdırılması üçün əlaqədar təşkilat rəhbərlərinə konkret tapşırıq və tövsiyələrini verib.

 İcra başçısı qəbul keçirdi
 İcra başçısı qəbul keçirdi