"Azərbaycan üçün Qarabağ münaqişəsi həm ərazi bütövlüyü, həm də suverenlik konteksi baxımından olduqca prinsipial məsələdir".

Unikal.org xəbər verir ki, bunu Azərbaycanın xarici işlər naziri (XİN) Elmar Məmmədyarov Moskvada rusiyalı həmkarı Sergey Lavrovla birgə keçirdiyi mətbuat konfransında deyib.

XİN rəhbəri bildirib ki, Azərbaycan torpaqlarının 20%-i işğal altındandır. Bundan əlavə, işğal olunan torpaqlar etnik təmizləmələrə məruz qalıb.

"Təbii ki, orada yaşayan insanların o torpaqlara qayıtmasına, silahlı toqquşmaların azalmasına dair istənilən irəliləyiş Azərbaycanın maraqlarına cavab verir".

Azərbaycan XİN rəhbəri Dağlıq Qarabağ münaqişəsinin nizamlanma prosesində irəliləyişin vacib olduğunu bildirib. Məmmədyarovun sözlərinə görə, substantiv danışıqlar təmas xəttində vəziyyətin gərginləşməsinə görə həlak olan hərbçilərin həyatını xilas etməyə kömək edə bilər.

"Erməni hərbçilər Azərbaycanın işğal altında olan torpaqlarından çıxarılmalıdır. Ermənistan tərəfinin ritorikası bizim sülh istiqamətinə getməyimizə uyğun deyil.