Kanadanın Baş naziri Castin Tryudo Novruz bayramı münasibətilə təbrik hazırlayıb.

Unikal.org xəbər verir ki, sadəliyi ilə hər kəsin sevimlisinə çevrilən siyasətçi təbrik mesajını videoya çəkərək şəxsi hesabında paylaşıb. O, qeyd edib ki, həyat yoldaşı Sofi də təbriklərə qoşulur.

Tryudo təbrikində əlavə edib ki, bu bayram yazın gəlişi ilə əlaqədar keçirilir və dostlar, ailə üzvlərinin bir araya gəldiyi gündür. Bu bayramda insanlar bir-birinə hədiyyələr verirlər, musiqilərdən zövq alırlar və yeməklərini paylaşırlar.