14 Oktyabr 2019
Nazirin vəzifə verdiyi deyilən istedadlı çobanla MÜSAHİBƏ: Məni iş yox, təhsil maraqlandırır (VİDEO)
Nazirin vəzifə verdiyi deyilən istedadlı çobanla MÜSAHİBƏ: Məni iş yox, təhsil maraqlandırır (VİDEO) MÜSAHİBƏ 22:19 2017-04-21

Sosial şəbəkələrdə məşhurlaşan gənc Pərvin Səfərovla bağlı məlumat vermişdik.

Xəbərdə Mədəniyyət və Turizm Nazirliyindən ona zəng olunduğu , əməkdaşların onunla görüşdüyü və P.Səfərovun işə təyin edildiyi qeyd olunurdu.

Pərvin Səfərov qeyd olunanlarla bağlı Unikal.org-a danışıb. O, müsahibəsində digər maraqlı mətləbləra də aydınlıq gətirib.

-Pərvin bəy, Mədəniyyət və Turizm idarəsinin işçiləri səninlə görüşdülərmi? İşə təyin olunmağın barədə nə deyə bilərsən?

-Bu gün Biləsuvar Regional Mədəniyyət və Turizm idarəsinin işçiləri mənimlə görüşdülər. İş təklifi etdilər. Buna görə nazir Əbülfəz Qarayevə təşəkkür edirəm. Mədəniyyət evində iş təklif olunub. Bu barədə düşünürəm. Hələki qərar verməmişəm. Hazırda məni iş yox təhsil maraqlandırır. Bu sahədə təhsil alıb peşəkar olmaq istəyirəm. Düşünürəm ki, kənd yerində qalmağımın perspektivi yoxdur. Hələki Dedilər ayın 24-də, yəni həftənin birinci günü gəlib məni aparacaqlar idarəyə, sənədləşmə işlərini həll edəcəklər. etmək üçün. Ancaq yenə də tam olaraq qərar verməmişəm. Buna baxmayaraq bir daha təşəkkür edirəm ki, mənimlə maraqlanıblar. Bundan başqa Milli Konservatoriyadan da zəng etdilər. Bildirdilər ki, Siyavuş müəllim şəxsən özü maraqlanıb. Dedilər konkret vaxt təyin edib gələn həftə mənimlə görüşəcəklər.

-Belə bir reaksiyanın olmasını gözləyirdinmi?

-Açığını deyim bu videonu çəkib paylaşanda belə bir reaksiyanın olacağını düşünmürdüm. Sadəcə izləyicilərin münasibəti maraqlı idi. Bu həddə gəlib çıxacağını düşünməmişdim. Fəhlə işləyəndə traktor sürürdüm. Onda ağlıma gəlmişdi ki, belə bir video çəkim. Ancaq gecə növbəsində işlədyim üçün imkan olmurdu. Sonra işdən çıxdım. Kənddə qoyunları otaranda birdən təb gəldi oxudum və videoya çəkdim, paylaşdım.

-Səhv etmirəmsə, ATV-dəki yarışmaların birində də iştirak etmisən...

- 2016-cı ildə "Bizim vətən layihəsində iştirak elədim. Mənə çox yaxşı münasibət göstərdilər. Hətta canlı efirdə bir xanım mənə dəstək olmaq üün zəng vurdu. Bildirdi ki, mənim təhsil xərclərimi qarşılmaq istəyir. Axırda bu məsələ ilə bağlı soruşdum. Dedilər "biz özümüz səninlə əlaqə saxlayacağıq. Həmin söhbət orada da qaldı. Nə zəng edən , nə də axtaran. "Tanıdım səni layihəsi başlayanda məni çağırmadılar. Teymur Əmrah zəng vurdu ki, "bəs səni dəvət etmədilər?. Dedim, yox.
Sonrada hansı səbəbdən dəvət edilmədiyimi soruşmaq üçün ATV-də Faiq adlı əməkdaşa zəng vurdum. Dedi maraqlanıb xəbər deyəcək. Sonradan ATV-nin başqa bir əməkdaşı Elçin müəllim mənimlə danışdı Dedi "yaxşı zəng vurmusan, gəl. Getdim, Teymur Əmrah növbəti dəfə səsimi yoxladı. Bildirdilər ki, özləri məni çağıracaqlar. Düzdür, dəvət etdilər. Ancaq məni bir neçə gün əvvəl dəvət etməli idilər ki, məşqlərdə iştirak edim. Axşam zəng edib bildirdilər ki, səhər birbaşa efirə çıxmalıyam. Verilişdən bir saat əvvəl iştirakçılardan eşitdim ki, məni hansısa iştirakçının əvəzinə çağırıblar.Yəni, sadəcə yola vermək üçün.

-Bundan sonra planların nədən ibarətdir?

-Planım sırf təhsil almaqdır. Mən ifaçıyam. Sənətimi inkişaf etdirmək istəyirəm. Sosial şəbəkədəki münaisbətlərdən görürəm ki, insanlarımız səsimi, ifamı bəyənir. Mən də öz üzərimdə işləyib, təhsi alıb, peşəkar olmaq istəyirəm.

-Toylara gedirsənmi?

-Dəvət edirlər. Ancaq toy mənlik deyil. Bayaq da musiqiçilər zəng ediblər. Mənim əvvəlcədən istiqamətim klassik, bəstəkar mahnıları olub. Bu səbəbdən toy mənim üçün maraqlı deyil.

Həsən Babayev