Kürdəmir rayon sakini dizel yanacağından zəhərlənib.

Unikal.org apa-ya istinadən xəbər verir ki, rayonun Şilyan kənd sakini, 1973-ci il təvəllüdlü Nicat Sadiq oğlu Fərmanov kimyəvi zəhərlənmə diaqnozu ilə Kürdəmir Mərkəzi Rayon Xəstəxanasına yerləşdirilib.

Xəstəxanadan bildiriblər ki, xəstəyə ilkin tibbi yardım göstərilib, vəziyyəti yaxşıdır. N. Fərmanov səhlənkarlıq nəticəsində səhvən dizel yanacağı içdiyini deyib.