Bakıda intihara cəhd edən kişi xilas edilib. 
Fövqəladə Hallar Nazirliyindən unikal.org-a verilən xəbərə görə, qurumun Böhran Vəziyyətlərində İdarəetmə Mərkəzinə Bakı şəhəri, Nərimanov rayonunda bir nəfərin intihar etmək məqsədi ilə yaşadığı doqquzmərtəbəli binanın 5-ci mərtəbəsindəki mənzilin eyvanına çıxması barədə məlumat daxil olub. Dərhal Fövqəladə Hallar Nazirliyinin Xüsusi Riskli Xilasetmə Xidmətinin qüvvələri hadisə yerinə cəlb olunaraq aparılmış psixoloji söhbət nəticəsində intihara cəhdin qarşısı alınmış və vətəndaş aidiyyəti üzrə təhvil verilib. Əməliyyat saat 22:13-də başa çatıb.