Bakıda "Tour d’Azerbaidjan-2016" beynəlxalq velosiped turuna start verilib.
Unikal.org xəbər verir ki, velosiped turu 5 mərhələdən ibarətdir. "Tour dAzerbaidjan-2016" beynəlxalq velosiped turu ümummilli lider Heydər Əliyevin anadan olmasının 93-cü ildönümünə həsr edilib. Gənclər və İdman Nazirliyi, Milli Olimpiya Komitəsi və Beynəlxalq Velosipedçilər İttifaqının dəstəyi ilə Azərbaycan Velosiped İdmanı Federasiyası tərəfindən təşkil olunur.
Qeyd edək ki, "Tour d’Azerbaidjan-2016" yarışında 19 ölkədən 21 komandanın iştirakı edir. Onlardan 6-sı pro-kontinental, "Synergy Baku" da daxil olmaqla 14-ü kontinental, 1-i isə milli komandadır. İştirakçılar 1-ci mərhələdə Bakı - Sumqayıt (154 km), 2-ci mərhələdə Bakı - İsmayıllı (186,5 km), 3-cü mərhələdə Qəbələ - Şəki - Qəbələ (177,2 km), 4-cü mərhələdə Qəbələ - Pirqulu (115,3 km) və sonuncu mərhələdə Bakı - Abşeron - Bakı (158 km) marşrutu üzrə ümumilikdə 791 km məsafə qət edəcəklər.
Belə ki, mayın 4-də saat 09.30-dan 14.30-dək Dövlət Bayrağı Meydanından Dairəvi yol-Bakı-Sumqayıt şossesi-Masazır-Novxanı-Sumqayıt istiqamətində və Sumqayıt şəhərinin bir sıra mərkəzi küçələrində nəqliyyatın hərəkəti müvəqqəti olaraq dayandırılacaq.
Göstərilən vaxtda həmin istiqamətlərə alternativ yollardan istifadə olunması xahiş olunur.
