12 Dekabr 2018
Polis tərəfindən tutulan Xəzər TV-nin əməkdaşından XƏBƏR VAR - YENİLƏNİB
HADİSƏ 2018-03-13 12:27:41
  • A

Lənkəran Şəhər Rayon Polis Şöbəsinin əməkdaşları tərəfindən tutulmuş "Xəzər" televiziyasının Cənub bölgəsi üzrə muxbiri Elvin Habil oğlu Əkbərov sərbəst buraxılıb.

Unikal.org report-a istinadən xəbər verir ki, E.Əkbərov hazırda evindədir.

11:30

"Xəzər" televiziyasının Cənub bölgəsi üzrə müxbiri Elvin Habil oğlu Ələkbərov Lənkəranda tutulub.

Unikal.org report-a istinadən xəbər verir ki,E.Ələkbərovun tutulmasına Lənkəran Şəhər Rayon Polis Şöbəsinin rəis müavini, Faiq İlyasov göstəriş verib. Məlumata görə, hadisə E.Ələkbərov Lənkəran Şəhər Mərkəzi Xəstəxanasında əri tərəfindən döyüldükdən sonra ölən qadınla bağlı çəkiliş apararkən baş verib.

Qeyd edək ki, ötən gün rayonun Rvo kənd sakini 1967-ci il təvəllüdlü Qafarova Marifə Vəli qızı ağır vəziyyətdə Lənkəran Rayon Mərkəzi Xəstəxanasına yerləşdirilib. Xəstənin yaxınları M.Qafarovanın yıxılaraq xəsarət aldığını bildirsələr də, sonradan qadının həyat yoldaşı tərəfindən döyüldüyü məlum olub. M.Qafarovanın yaxın qohumu  bildirib ki, bir həftə bundan əvvəl əri tərəfindən döyülüb: "Marifə bir həftə idi evdə ağır vəziyyətdə uzanırdı. Dünən qəfildən halı pisləşdi və xəstəxanaya gətirdik. Onu bu vəziyyətə əri salıb".