"Nitsa ilə müqaviləsi başa çatan Mario Balotellinin karyerasını harda davam etdirəcəyi bəlli deyil.

Unikal.org xəbər verir ki, italiyalı hücumçunun adı bir çox klubla yanaşı hallanır. "Cenoanın müdafiəçisi Domeniko Krişito Balotelli ilə bağlı maraqlı fikir bildirib. Arxa xətt oyunçusu İtaliya mətbuatına açıqlamasında "Super Marionun vətəninə geri dönməyəcəyini deyib:

"Balotelli ilə danışmışam. İtaliyaya qayıdacağını düşünmürəm. Seçimini demədi, lakin çox pul qazanır və İtaliyada heç bir klub bunu qarşılaya bilməz.

Xatırladaq ki, Balotelli son mövsümdə "Nitsada şans qazandığı 38 oyunda 26 qol vurub, 2 məhsuldar ötürmə verib.