Azərbaycan Voleybol Federasiyasının vitse-prezidenti və qadınlardan ibarət millimizin baş məşqçisi Faiq Qarayev Türkiyədə müalicə olunub. Unikal.org-un əldə etdiyi məlumata görə, müalicəsini başa vuran təcrübəli mütəxəssis bir neçə gündür Bakıya qayıdıb.

Faiq Qarayev müalicədən qayıtdığını Unikal.org-a açıqlamasında təsdiqləyib:

"Mən artıq 1 ildir müalicə alıram. Məndə aritmiya var. Müalicə almaq üçün bazar ertəsi yenidən Türkiyəyə gedəcəm.  

Qeyd edək ki, aritmiya ürəyin ritminin nizamsızlığıdır, yəni anormal ürək ritmidir.

Aygün İlqarqızı