Xəzərdə iki balıqçı batma təhlükəsi ilə üzləşib.
Fövqəladə Hallar Nazirliyindən Unikal.org-a verilən məlumata görə, Böhran Vəziyyətlərində İdarəetmə Mərkəzinə Bakı şəhəri, Qaradağ rayonu, Qobustan qəsəbəsi yaxınlığında dənizdə (təxminən 3 km dənizin içinə doğru) 2 nəfərin (balıqçı) taxta qayıqda köməksiz vəziyyətdə qalması barədə məlumat daxil olub. Fövqəladə Hallar Nazirliyinin Kiçikhəcmli Gəmilərə Nəzarət və Sularda Xilasetmə Dövlət Xidmətinin müvafiq xilasetmə qüvvələri qeyd olunan əraziyə cəlb olunub. Eyni zamanda, Böhran Vəziyyətlərində İdarəetmə Mərkəzi tərəfindən aidiyyəti dövlət qurumları məlumatlandırılıb.
Əlavə məlumat veriləcək.
***12:11
Bakı şəhəri, Qaradağ rayonu, Qobustan qəsəbəsi yaxınlığında dənizdə (təxminən 3 km dənizin içinə doğru) taxta qayıqda köməksiz vəziyyətdə qalmış 2 nəfər (balıqçı) xilas olunub.
Bu barədə Unikal.org-a Fövqəladə Hallar Nazirliyindən bildirilib. Qeyd olunub ki, balıqçıların olduğu qayıq xilasetmə qüvvələri tərəfindən yedəyə alınaraq sahilə gətirilib.
