Ermənistan Mərkəzi Seçki Komissiyası dekabrın 10-u səhər saat 07.30-dək ölkəboyu 2010 seçki məntəqəsindən daxil olmuş səsvermə bülletenlərinin 100%-ni hesabalyaıb. 

Unikal.org “News.am”a istinadən xəbər verir ki, 9 dekabr tarixində keçirilmiş erkən parlament seçkilərinin nəticələrinə görə, hazırkı baş nazir səlahiyyətlərinin icra edən Nikol Paşinyanın “Mənim addımım” bloku 70.43 faizlə (884456 səs) qalib gəlib.

Seçkilərdə ikinci yeri 8.27 faizlə (103824 səs) "Çiçəklənən Ermənistan" partiyası lider (Qaqik Ttsarukyan) tutub.

Edmon Marukyanın lideri olduğu "İşıqlı Ermənistan" partiyası isə səslərin 6.37 faizini (80024 səs) toplamaqla üçüncü olub.  

Qeyd edək ki, hər iki partiya Nikol Paşinyanın müttəfiqidir. Digər partiyalar isə tələb olunan bariyeri aşa bilməyib.