Fransanın "Nant" klubu itkin düşən Emiliano Sala üçün İngiltərənin "Kardiff Siti" komandasından 15 milyon funt sterlinq tələb edib. 

Unikal.org BBC-yə istinadən xəbər verir ki, qarşı tərəf 29 yaşlı oyunçunun itməsi ilə bağlı istintaqın tam detallarını alana qədər Fransa təmsilçisinə pul verməyəcəyini bildirib. 

Qeyd edək ki, Emiliano Sala qış transfer pəncərəsində "Nant"dan "Kardiff Siti"yə keçib və İngiltərə təmsilçisinin tarixində ən bahalı oyunçu olub. Yanvarın 21-də argentinalı oyunçunu aparan təyyarə yoxa çıxıb. Daha sonra axtarış qrupu təyyarənin qalıqlarını tapıb.