19 May 2019
18 May 2019
AzMİU-da Dəyirmi Masa keçirildi - FOTO
AzMİU-da Dəyirmi Masa keçirildi- FOTO CƏMİYYƏT 17:07 2019-04-23

Bu gün Azərbaycan Memarlıq və İnşaat Universitetində (AzMİU) ölkəmizin aparıcı ali təhsil müəssisələrinin rəhbərləri və Türkiyənin nüfuzlu İstanbul Texnik Universitetindən gələn nümayəndə heyətinin iştirakı ilə Dəyirmi Masa  keçirilib.  

Unikal.org xəbər verir ki, dəyirmi masada İTU rektoru, professor Mehmet Karacanın “İTU nümunəsində XXI əsrdə universitetlərin dünəni, bu günü və sabahı” mövzusunda məruzəsi ətrafında maraqlı müzakirələr, qarşılıqlı fikir mübadiləsi aparılıb.  

Tədbiri giriş sözü ilə açan AzMİU-nun rektoru, professor Gülçöhrə Məmmədova ölkəmizin ali məktəb rektorlarını və türkiyəli qonaqları salamlayıb. G.Məmmədova bu gün universitetdə keçirilən görüşün mühüm əhəmiyyətini vurğulayıb, həmkarlarını İTU-nun təcrübəsini öyrənməyə səsləyib.  

Dəyirmi Masada geniş məruzə ilə çıxış edən İTU rektoru Mehmet Karacanın çıxışı maraqla qarşılanıb. O, müasir dünyanın tələblərinə uyğun olaraq bu gün təhsilin forma və məzmununun dəyişdiyini, yeni biznes strukturlarının yaradılması ideyasının ortaya çıxdığını, təhsil alanların biznes ideyalarının gerçəkləşməsi üçün startap layihələrinin önəmini vurğulayıb. Rektor İTU-da yaradılan texnoparkın fəaliyyətindən də danışıb, universitet-sənaye işbirliyinin əməkdaşlığının faydalı nəticələrinə diqqət çəkib. 

Mehmet Karacanın çıxışından sonra geniş müzakirələr başlayıb, masada iştirak edən universitet təmsilçiləri mövzu ətrafında fikir mübadiləsi aparıblar. Azərbaycan Dövlət İqtisad Universitetinin (UNEC) rektoru, professor Ədalət Muradov,  Bakı Mühəndislik Universitetinin (BMU) rektoru, professor  Havar Məmmədov, Azərbaycan Dövlət Neft və Sənaye Universitetinin (ADNSU) rektoru, professor Mustafa Babanlı və digərləri ölkəmizdə startap hərəkatının geniş vüsət aldığını, gənclərin bu sahəyə marağının artdığını bildiriblər, ali təhsil ocaqlarında texnoparkların yaradılmasnda ortaya çətinliklərdən danışıblar.

Müzakirələr zamanı İTU-nun rektoru texnopark ənənəsinin öyrənilməsində Azərbaycan universitetlərinə dəstək götərməyə hazır olduğunu bildirib, universitet rəhbərlərini və təmsilçilərini İTU Texnoparkının fəaliyyətini izləmək və təcrübəsini öyrənmək üçün Türkiyəyə dəvət edib.


  • AzMİU-da Dəyirmi Masa keçirildi- FOTO
  • AzMİU-da Dəyirmi Masa keçirildi- FOTO
  • AzMİU-da Dəyirmi Masa keçirildi- FOTO
  • AzMİU-da Dəyirmi Masa keçirildi- FOTO
  • AzMİU-da Dəyirmi Masa keçirildi- FOTO