19 İyul 2019
“Baku Medical Plaza”dan xəstə ölümü ilə bağlı AÇIQLAMA
“Baku Medical Plaza”dan xəstə ölümü ilə bağlıAÇIQLAMA REPORTAJ 13:33 2019-05-07

Son günlər “Baku Medical Plaza”da ağır xəstə yatan Lətafət Şirəliyeva dünən gecə dünyasını dəyişib.

Bu barədə “Baku Medical Plaza”dan Unikal.org-a məlumat verilib.

Klinikadan bildirilib ki, xəstənin öz səhhətinə laqeyd yanaşması ölümlə nəticələnib:

“Son günlər mətbuatda haqqında məlumatlar geniş yayılmış Lətafət Şirəliyeva mayın 6-da gecə saatlarında dünyasını dəyişib. 1 gün əvvəl xəstənin ümumi durumu ciddi ağırlaşmış, əməliyyat edilərək ümumi anesteziya altında ona birmomentli fəsadsız traxeostoma açılmışdı. Saat 21:20-də EKQ-də öncə bradikardiya, ardınca asistoliya izlənilib. Dərhal reanimasion tədbirlərə başlanılıb. 10 dəqiqə sonra ritm bərpa olunub. Saat 21:40-da monitorda yenidən asistoliya izlənilib. Dərhal CRP olunub. 22:00-da yenidən ürək ritmi bərpa olunub. Lakin 22:57-də idioventrikulyar rtim, ardınca asistoliya izlənib. Aparılan reanimasion tədbirlərə baxmayaraq, üçüncü dəfə ürək ritmini bərpa etmək mümkün olmayıb. 23:49-da bioloji ölüm təsdiqlənib. Xəstənin ölüm səbəbinin araşdırılması, həkim səhvinin olmadığının təsdiqlənməsi ilə bağlı klinikamız tərəfindən Məhkəmə-Tibbi Ekspertiza və Patoloji Anatomiya Birliyinə müraciət edilib, faktla bağlı araşdırma aparılır”.