Bu gün Avropa Liqasında 1/2 final mərhələsinin cavab oyunları keçiriləcək.
Unikal.org xəbər verir ki, “Arsenal” səfərdə “Valensiya” ilə qarşılaşacaq. İlk oyunda 3:1 hesabıyla qələbə qazanan “topçular”, üstünlüklərini qorumağa çalışacaq. Digər oyunda “Çelsi” doğma azarkeşləri önündə “Ayntraxt”ı qəbul edəcək. Səfərdə Frankfurt təmsilçisiylə qollu bərabərə qalan (1:1) “zadəganlar”, görüşün əsas favoritidir.
Avropa Liqasının finalı mayın 29-u, Bakı Olimpiya stadionunda keçiriləcək.
Avropa Liqası, yarımfinal mərhələsi, cavab oyunları
9 may
23:00 Valensiya (İspaniya) – Arsenal (İngiltərə)
Baş hakim: Danni Makkeli (Hollandiya)
İlk oyun – 3:1
23:00 Çelsi (İngiltərə) – Ayntraxt (Almaniya)
Baş hakim: Ovidiu Hateqan (Rumıniya)
İlk oyun – 1:1.
