Cənubi Azərbaycanın tarixi bazarı yanıb.

Unikal.org İran KİV-lərinə istinadən xəbər verir ki, şəhərin mərkəzində yerləşən, dünyanın ən böyük bazarlarından biri olan, UNESCO-nun dünya mirası siyahısına salınan Təbriz Bazarında yanğın olub. 

Şərq Azərbaycanın Fövqəladə Hallar İdarəsinin sədri Mis Servisi, yanğın söndürmə işlərinin aparıldığını bildirib: “Hadisə nəticəsində bazarda 200-ə yağın ticarət obyekti yanıb. Nəticədə 29 nəfər yanaraq xəsarət alıb. Aralarında ölənlər olmasada onların birin vəziyəti orta-ağır kimi qiymətləndirirlir. Hadisə dünən gecə 22:40 radələrində baş versə də, hazırda bazarda kiçik tüstülənmələrin davam edir”.

Xatırladaq ki, Ehtimallara görə, Təbriz bazarı eramızın 4-cü əsrində tikilib. Təbriz bazarı 15 kv.metr ərazini əhatə edir. İrili-xırdalı bazarda 5 min dükan və ticarət mərkəzi var. Bazardakı dalan, karvansara, rasta (bir neçə kiçik bazarın qovşağı) və s. yerləşdiyi ərazinin uzunluğu isə 5 km-dir. Bazarda 19 timçə (eyni məhsulu və malı satan kiçik dükan), 8 dalan, 22 rastabazar, 22 karvansara və s. yerləşir.

Qədimdən Təbriz Böyük İpək yolunun üstündə yerləşdiyindən, eyni zamanda buradan şimala Şamaxıya, cənuba Bağdada karvan yollarının mövcudluğu Təbrizin mərkəzində yerləşən bazarı bütün ətraf ölkə tacirləri üçün cəlbedici etmişdir.