21 Sentyabr 2019
20 Sentyabr 2019
Zakir Fərəcov qəsəbə sakinlərinin problemini dinlədi - FOTO
Zakir Fərəcov qəsəbə sakinlərinin problemini dinlədi -FOTO CƏMİYYƏT 18:49 2019-05-24

Sumqayıt Şəhər İcra Hakimiyyətinin başçısı Zakir Fərəcov növbəti səyyar qəbul-görüşü Sumqayıt şəhəri Hacı Zeynalabdin qəsəbəsində keçirilib.

Unikal.org xəbər verir ki, qəsəbə sakinləri ilə keçirilən görüşdə onların təklif, müraciət və şikayətləri dinlənilib.

Görüşdə istismar müddəti bitmiş su xətlərinin dəyişdirilməsi, qəsəbədə peşəyönümlü liseyin açılması, Sumqayıtdan qəsəbə istiqamətində hərəkət edən avtobusların hərəkət intervalında dəyişikliyin edilməsi, çoxmənzilli yaşayış binalarının istiliklə təmin olunması, bəzi ərazilərdə işıqforun quraşdırlması və digər məsələlər səsləndirilib.

Səyyar qəbul-görüşdə sakinlər tərəfindən qaldırılan məsələlərin bir qismi yerindəcə həll olunub, araşdırılmasına ehtiyac olan bir sıra məsələlərin isə qanunvericiliyə uyğun, operativ həlli üçün müvafiq qurumların rəhbərlərinə tapşırıqlar verilib.

Şəhər rəhbəri ilə görüşən sakinlər Sumqayıtda həyata keçirilən abadlıq- quruculuq və yenidənqurma işlərindən razılığını ifadə ediblər, onların müraciətlərinə xüsusi diqqətlə yanaşıldığına görə şəhər rəhbərliyinə öz minnətdarlıqlarını bildirdilər.

Vurğulanıb ki, Sumqayıt şəhərində davamlı olaraq vətəndaşlarla görüşlər keçirilir, onların müxtəlif məsələlərlə bağlı müraciətlərinin, ərizə və şikayətlərinin həll olunması üçün tədbirlər görülür.


  • Zakir Fərəcov qəsəbə sakinlərinin problemini dinlədi -FOTO
  • Zakir Fərəcov qəsəbə sakinlərinin problemini dinlədi -FOTO
  • Zakir Fərəcov qəsəbə sakinlərinin problemini dinlədi -FOTO
  • Zakir Fərəcov qəsəbə sakinlərinin problemini dinlədi -FOTO