21 İyun 2019
20 İyun 2019
Bakı metrosunun yeni kondisionerli vaqonları - FOTOLAR
Bakı metrosunun yeni kondisionerli vaqonları -FOTOLAR CƏMİYYƏT 13:42 2019-06-04

Rusiyanın “Transmaşholdinq” Səhmdar Cəmiyyəti Azərbaycana yeni metro vaqonları göndərib.

Unikal.org azərtac-a istinadən xəbər verir ki, iyunun 4-də Moskva vilayətinin Mıtişi şəhərindən Bakıya yeni metro vaqonlarının ilk partiyası yola salınıb. Bu münasibətlə keçirilən təntənəli tədbirdə “Transmaşholdinq” Səhmdar Cəmiyyətinin baş direktoru Kiril Lipa, Azərbaycanın Rusiyadakı səfiri Polad Bülbüloğlu, “Bakı Metropoliteni” Qapalı Səhmdar Cəmiyyətinin sədri Zaur Hüseynov, “Metrovaqonmaş” Səhmdar Cəmiyyətinin baş direktoru Boris Boqatıryov, KİV nümayəndələri iştirak ediblər.

Bakıya hər biri 5 vaqondan ibarət iki qatar yola düşüb. İl ərzində daha 20 vaqonun Bakıya göndəriləcəyi gözlənilir.

Xatırladaq ki, bu ilin fevralında Bakıda “Transmaşholdinq”in tərkibinə daxil olan “Metrovaqonmaş” SC-nin direktoru Boris Boqatıryov və “Bakı Metropoliteni” QSC-nin sədri Zaur Hüseynov Bakı Metropoliteni üçün 30 yeni nəsil vaqon istehsal edilməsinə dair müqavilə imzalayıblar. Yeni model vaqonlar innovasiyalar baxımından ən müasir - 4-cü nəslə aiddir. Sifarişçinin təklif etdiyi texniki şərtlər əsasında hazırlanmış vaqonların qapıları daha enlidir. Qapıların açılıb-bağlanması işıqlı xəbərdarlıq sistemi ilə təmin edilib, konstruksiyası səs-küy və istilik izolyasiyasına, kondisioner, ventilyasiya sisteminə, sərnişinlərin elektron qurğularının doldurulması üçün elektrik mənbəyinə malikdir. Baş vaqonlarda əlil arabaları və velosipedlər üçün yerlər ayrılıb. Orijinal qrafikalı işıq sxemi yerli informasiya sisteminə uyğunlaşdırılıb.

Bakı Metropoliteni və “Metrovaqonmaş”ı uzunmüddətli qarşılıqlı faydalı əməkdaşlıq birləşdirir. Müəssisə 1967-ci ildən Bakı Metropolitenini qatarla təmin edir. Hazırda Bakı metrosunda “Metrovaqonmaş”da istehsal olunmuş 300-ə yaxın vaqon hərəkət edir.


  • Bakı metrosunun yeni kondisionerli vaqonları -FOTOLAR
  • Bakı metrosunun yeni kondisionerli vaqonları -FOTOLAR
  • Bakı metrosunun yeni kondisionerli vaqonları -FOTOLAR
  • Bakı metrosunun yeni kondisionerli vaqonları -FOTOLAR
  • Bakı metrosunun yeni kondisionerli vaqonları -FOTOLAR