21 İyun 2019
20 İyun 2019
Güləşçimiz erməniyə qalib gəlib medal qazandı
Güləşçimiz erməniyə qalib gəlib medal qazandı İDMAN 23:58 2019-06-04

Bu gün İspaniyanın Pontevedra şəhərində gənc güləşçilər arasında Avropa çempionatı start götürüb.

Unikal.org xəbər verir ki, ilk yarış günündə 55, 63, 77, 97 və 130 kq-da çıxış edən yunan-Roma güləşçiləri mübarizə aparıb. 

Təmsilçimiz Zaur Əliyev Avropa çempionatına iddialı start verib. Güləşçimiz ilk görüşdə Bolqarıstan idmançısına ilk hissə bitmədən qalib gəlib. Əliyev növbəti görüşü də vaxtından əvvəl qələbəylə başa vurub. 

Zaur 1/4 finalda Danimarka təmsilçisinə gücünü göstərərək adını yarımfinala yazdıran ilk güləşçimiz olub. Finalın bir addımlığında Gürcüstan təmsilçisiylə qarşılaşma gərgin mübarizə şəraitində keçib. Həmyerlimiz 3:2 önə keçsə də, son dəqiqədə müdafiədə buraxdığı səhv ucbatından görüşdən məğlub ayrılıb. 

Əliyev iyunun 4-də bürünc medal uğrunda güləşib. Prinsipial görüşdə Ermənistan güləşçisiylə qarşılaşan Zaur qələbə qazanaraq Avropa 3-cüsü olub və qitə birinciliyində ilk medalımızı əldə edib.