Son günlər bəzi KİV-lərdə yanan “Diqlas” Ticarət Mərkəzinin söküntü işləri ilə əlaqədar sözügedən ərazidən keçən yolun bir zolağının hasara alınması, digər zolağının isə dayanma-durma qaydalarını kobud şəkildə pozan sürücülər tərəfindən zəbt edildiyi və nəticədə ciddi tıxacların yarandığı barədə məlumat yayılır.

Bakı Nəqliyyat Agentliyindən Unikal.org-a verilən məlumata görə, paytaxtın Nizami rayonunun Qara Qarayev prospektində yerləşən “8-ci kilometr bazarı”nın qarşısında dayanma və durma qaydalarının tətbiqinə başlayıb: "Artıq nəticə göz qabağındır".

Bakı Nəqliyyat Agentliyinin Mətbuat xidmətinin rəhbəri Mais Ağayev Unikal.org vasitəsilə bildirib ki, sürücüləri də bu ərazilərdə dayanma və durma qaydalarına riayət etməyə çağırırıq: "Avtomobil sahiblərinə, sürücülərə müraciət edirik. Şəhərin digər yerlərində olduğu kimi, bu ərazilərdə də dayanma-durma və parklanma qaydalarının pozulması sıxlıq və tıxac problemini ortaya çıxarır. Bunu nəzərə alaraq BNA sürücülərə tövsiyə edir ki, avtomobili qadağan olunmuş ərazilərdə saxlamasınlar. Avtobus dayanacağında, səkilərdə və digər ərazilərdə nəqliyyat vasitələrinin park edilməsi yol hərəkəti haqqında qanunun tələblərinin kobud şəkildə pozulmasıdır. İnzibati məsuliyyət yaradır. Sürücüləri də bu ərazilərdə dayanma və durma qaydalarına riayət etməyə çağırırıq! Əks halda qanunvericiliyə uyğun olaraq cəzalandırılacaqlar. Sürücülər öz məsuliyyətini dərk etməli, digərlərinin hərəkətinə maneə törətməməlidirlər!". 

Amid