Dini Qurumlarla İş üzrə Dövlət Komitəsinin sədri Mübariz Qurbanlı Goranboyda “Qaloş piri” ilə yayılan görüntülərə münasibət bildirib.

Unikal.org  “Trend”ə istinadən xəbər verir ki, M.Qurbanlı jurnalistlərə açıqlamasında deyib ki, Goranboyda “Qaloş piri” ilə bağlı yayılan görüntülər təəssüf hissi doğurur.

O qeyd edib ki, orada daimi olaraq bu cür tədbirlərin keçirilməsi ilə bağlı Komitədə məlumat yox idi:

"Komitənin yerli şöbəsi həmin yerdə araşdırma aparıb və orada adamlara izah olunaraq xəbərdarlıq edilib ki, bu cür hərəkətlər qanunazidd və xurafatdır. Əminəm ki, onlar da müəyyən nəticə çıxarıblar və bu hal təkrar olunmayacaq. Burada xurafat elementinin olması insanların müəyyən məsələləri kifayət qədər bilməməsindən irəli gəlir. Çünki bilirik ki, insan sağlamlığının olması öz əlindədir və səhhətində problem varsa, həkimə getməlidir".