18 İyul 2019
17 İyul 2019
Bakı metrosunda qatar qapısı açıq hərəkət etdi - AÇIQLAMA
Bakı metrosunda qatar qapısı açıq hərəkət etdi -AÇIQLAMA CƏMİYYƏT 20:21 2019-06-14

Bu gün axşam saatlarında Bakı metrosunda qatarların birində texniki nasazlıq yaranıb və vaqonlardan birinin qapısı açıq qalıb. 

"Bakı Metropoliteni" QSC-nin Mətbuat xidmətinin rəhbəri Bəxtiyar Məmmədov Unikal.org-a faktı təsdiqləyib. 

O, bildirib ki, sosial şəbəkədə  görüntüləri yayılan fakt "İçəri Şəhər" stansiyasından "Həzi Aslanov" istiqamətində gedən qatarda "28 May"- "Gənclik" stansiyalarının arasında qeydə alınıb. 

"Dispetçerlə kamera görüntülərinə baxdıq. Yalnız vaqonlardan birinin qapısında belə hal müşahidə olunub. Bu da texniki nasazlıq səbəbindən baş verib. İlkin ehtimala görə, sərnişin sıxlığı səbəbindən nəzarətçi və maşinist qapının açıq qalmasını görməyib. Məsələ araşdırılacaq və "Bakı Metropoliteni"nin təlimatlarına uyğun qərar qəbul ediləcək."