24 İyul 2019
23 İyul 2019
Azərbaycanlını döyən mafiyaya 55 il həbs cəzası verildi
Azərbaycanlını döyən mafiyaya55 il həbs cəzası verildi KRİMİNAL 09:14 2019-06-16

Tatarıstan Ali Məhkəməsində, həmçinin, azərbaycanlını döyməkdə günahlandırılan ekstremist qruplaşmanın üzvlərinə hökm oxunub.

Unikal.org Rusiya KİV-nə istinadən bildirir ki, Roman Xəlilov, Ruslan Arxipov, Adel Əskərov və Rostislav Malaxov səkkiz fakt üzrə təqsirli biliniblər.

Qruplaşma üzvlərinin zərər verdiyi şəxslər arasında azərbaycanlı da olub.

Belə ki, 2017-ci il yanvarın 18-də R.Xəlilov və R.Arxipov naməlum şəxslə birlikdə azərbaycanlı Yakin Məmmədova hücum edib. R.Xəlilov ona çəkiclə xəsarət yetirib. R.Arxipov isə azərbaycanlının döyülməsini anbaan kameraya çəkərək, daha sonra videonu internetə yerləşdirmək qərarına gəlib. Y.Məmmədovun həyatını vaxtında göstərilən tibbi yardım sayəsində xilas etmək mümkün olub.

Qəribədir ki, dindirmələr zamanı ittiham edilənlər kifayət qədər sırtıqcasına davranıblar, ifadə verərkən elə də utanmayıblar və özlərini nədəsə günahkar hesab etməyiblər. Ən azı, onlar qeyri-slavyan görkəmli insanın qətlini nəinki cinayət,  ümumiyyətlə qəbahətli hərəkət hesab etmədiklərini bildiriblər.  İnandırmağa çalışıblar ki, şəhərdə onların çoxlu tərəfdarı yaşayır, hansılar ki, belə yanaşmanı bəyənirlər...

Məhkəmənin qərarı ilə R.Arxipov və R.Xəlilov hər biri 24 il, A.Əskərov 4 il, R.Malaxov isə 3 il müddətinə azadlıqdan məhrum edilib. A.Əskərovdan başqa, digərləri cəzalarını ciddi rejimli cəzaçəkmə müəssisəsində çəkəcəklər.