24 Avqust 2019
23 Avqust 2019
Elinaya görə işdən çıxarılan direktor məhkəmədən çıxarkən görüntüləndi - VİDEO
Elinaya görə işdən çıxarılan direktor məhkəmədən çıxarkən görüntüləndi- VİDEO HADİSƏ 17:26 2019-07-19

Bu gün Bakı Apellyasiya Məhkəməsində təhlükədə qoyma və ehtiyatsızlıqdan zərərçəkmiş şəxsin ölümünə səbəb olmaqda təqsirləndirilən 162 nömrəli tam orta məktəbin keçmiş direktoru Sevinc Abbasova barəsində seçilmiş ev dustaqlığı qətimkan tədbirinin uzadılması ilə bağlı məhkəmə qərarından verilən apellyasiya şikayəti üzrə məhkəmə iclası keçirilib. 

Unikal.org xəbər verir ki, hakim Habil Məmmədovun sədrliyi ilə baş tutan prosesdə qərar elan olunub.

Elina Hacıyevanın valideynlərinin nümayəndələri Sevinc Əliyeva və Emin İsayev bildirib ki, şikayət təmin edilməyib: "Şikayət vermə müddəti keçdiyinə görə, şikayətimiz təmin edilmədi. Biz Səbail Rayon Məhkəməsinin qərarını iyulun 13-ü bilmişik. Həmin gün də şikayət verdik. İndi məhkəmə bildirdi ki, müddət keçib və müddətin bərpası ilə bağlı Səbail Rayon Məhkəməsinə yenidən müraciət edilməlidir. Biz də bununla bağlı Səbail Rayon Məhkəməsinə müraciət edəcəyik".

Xatırladaq ki, Səbail Rayon Məhkəməsində S.Abbasova barəsində seçilmiş ev dustaqlığı qətimkan tədbirinin uzadılması ilə bağlı istintaq orqanı tərəfindən verilən təqdimata baxılıb. Məhkəmə istintaq orqanının verdiyi təqdimatı təmin edib. S.Abbasova barəsində seçilmiş ev dustaqlığı qətimkan tədbirinin müddəti daha 2 ay uzadılıb. Həmin qərardan narazı qalan Elina Hacıyevanın valideynlərinin nümayəndələri apellyasiya şikayəti veriblər. Onlar S.Abbasovanın barəsində həbs qətimkan tədbirinin seçilməsini istəyir.