24 Avqust 2019
"Dundalk"ın oyunu təxirə salındı - "Qarabağ"a görə
"Dundalk"ın oyunu təxirə salındı -"Qarabağ"a görə İDMAN 21:25 2019-07-20

"Qarabağ"ın Çempionlar Liqasının 2-ci təsnifat mərhələsindəki rəqibi "Dundalk" İrlandiya çempionatının növbəti turunda da meydana çıxmayacaq.

Unikal.org xəbər verir ki, komandanın 26-cı turda "Sent Patriks Atletiks" klubu ilə oyunu təxirə salınıb. Şəhərin eyniadlı təmsilçisinin Ağdam klubu ilə matçlara daha yaxşı hazırlaşması üçün belə bir addım atılıb. İyulun 26-da keçirilməli olan qarşılaşmanın vaxtı dəyişdirilib.

Xatırladaq ki, "Dundalk"ın iyulun 19-da "Kork Siti" ilə oyunu da "Riqa" ilə Çempionlar Liqasının 1-ci təsnifat mərhələsinin cavab görüşünə görə təxirə salınmışdı.

Qeyd edək ki, "Qarabağ"la "Dundalk" arasında ilk oyun iyulun 24-də İrlandiyada keçiriləcək və Bakı vaxtı ilə saat 22:45-də başlayacaq. Cavab matçı isə 1 həftə sonra "Dalğa Arena"da olacaq və yerli vaxtla 21:00-da start götürəcək.