Azərbaycan Prezidenti İlham Əliyev Peru Prezidenti Martin Vizkarra Kornexoya təbrik məktubu göndərib. 

Unikal.org xəbər verir ki, məktubda deyilir: 

"Hörmətli cənab Prezident,

Peru Respublikasının milli bayramı – Müstəqillik Günü münasibətilə Sizi və xalqınızı ürəkdən təbrik edirəm.

Ümidvaram ki, ölkələrimiz arasında ikitərəfli əlaqələr dostluq və əməkdaşlıq ruhunda inkişaf edəcəkdir.

Belə bir əlamətdar gündə Sizə və xalqınıza ən xoş arzularımı yetirirəm".