17 Sentyabr 2019
Abdin Fərzəliyev hesabat iclası keçirdi - FOTOLAR
Abdin Fərzəliyev hesabat iclası keçirdi -FOTOLAR CƏMİYYƏT 16:17 2019-08-05

Azərbaycan Prezidenti İlham Əliyevin yanında sosial-iqtisadi sahə ilə bağlı müşavirədə verilmiş tapşırıqların icrası ilə bağlı Nərimanov rayonunun sosial-iqtisadi sahədə qarşıda duran vəzifələri barədə hesabat iclası keçirilib.

Unikal.org xəbər verir ki, rayon rəhbərliyi, rayonda fəaliyyət göstərən bələdiyyə, idarə, müəssisə və təşkilatların rəhbərləri, həmçinin rayon ictimaiyyəti nümayəndələrinin qatıldığı tədbiri giriş sözü ilə açan Rayon İcra Hakimiyyətinin başçısı Abdin Fərzəliyev ölkə rəhbərinin Bakı şəhəri və ətraf qəsəbələrin sosial-iqtisadi inkişafına dair təsdiq etdiyi müvafiq proqramlar, imzaladığı sərəncamlar, verdiyi tapşırıqların paytaxtın aparıcı rayonlarından olan Nərimanov rayonunun da sürətli inkişafına, infrastruktur sahələrinin bərpası və genişləndirilməsinə, sosial-mədəni obyektlərin yaradılmasına, bununla da, əhalinin rifah halının yaxşılaşdırılmasına, layiqli həyat tərzinin təmin olunmasına müstəsna töhfələr verdiyini, respublikamızda aparılan uğurlu sosial-iqtisadi siyasət nəticəsində görülən işlərin hazırda Nərimanov rayonunda da uğurla davam etdirildiyini diqqətə çatdırıb.

Hesabat dövrü ərzində rayonda qeyri-neft sektorunun və sahibkarlığın inkişaf etdirilməsi, tikinti ilə bağlı mühüm layihələrə investorların cəlb edilməsi, ilk növbədə əhalinin məşğulluq səviyyəsinin qısa vaxt ərzində artırılması üçün tikinti sektorunun inkişaf etdirilməsi ilə bağlı Rayon İcra Hakimiyyətinin təklifləri nəzərə alınaraq, Nazirlər Kabineti tərəfindən qəbul olunmuş, rayon ərazisində abadlıq quruculuq işlərinin davam etdirilməsi, qəzalı vəziyyətdə olan binaların sökülərək yerində müasir tələblərə uyğun yeni binaların tikilməsi və həmin binalarda yaşayan sakinlərin mənzil-məişət şəraitinin yaxşılaşdırılması ilə bağlı qərardan irəli gələn vəzifələrin mərhələli həlli istiqamətində işlərin davam etdirildiyi bildirilib. Belə ki, rayon ərazisində hazırda “Pilot layihə” çərçivəsində 27 ünvanda çoxmənzilli bina tikintisi işləri həyata keçirildiyi və 10 digər ünvanda isə bu prosesin sənədləşdirmə mərhələsində olduğu nəzərə çatdırılıb.

Ölkə və şəhər rəhbərliyinin tapşırığına əsasən, ilk olaraq Nərimanov rayonu ərazisində Pilot layihə əsasında tullantıların daşınaraq zərərsizləşdirilməsi prosesinin həyata keçirildiyi bildirilərək, Böyük Britaniyanın tanınmış Mott MacDonald şirkətinin hazırladığı konsepsiyaya uyğun olaraq rayon ərazisində 200 konteyner meydançasının rayon rəhbərliyinin böyük dəstəyi nəticəsində müasir üslubda yenidən qurulduğu, 250 konteyner meydançasında 1000 ədəd 1 m3 həcmli yaşıl və narıncı rəngdə plasmas materialından konteynerlər yerləşdirildiyi, (Bu konteynerlərdən 344 ədəd narıncı rəngdə plasmas materialından konteynerlər təkrar emala olunacaq tullantı materiallarının qablaşdırılmasını təmin edir.) və nəticə etibarı ilə, hazırda təkrar emal olunacaq tullantı materiallarının həcmində dinamik artım müşahidə olunduğu diqqətə çatdırılıb.

Eyni zamanda, hesabat dövrü ərzində rayon rəhbərliyi tərəfindən 1380 nəfər vətəndaşın iştirak ilə keçirilmiş 15 səyyar görüş və qəbullar zamanı edilən 101 nəfərin 102 müraciətinin dinlənilərək həll edilməsi istiqamətində müvafiq işlərin həyata keçirildiyi, icrası zaman tələb edən məsələlərin nəzarətə götürüldüyü, həmçinin, Qaynar xətt -“1643” xidmətinə 126 müraciətin daxil olduğu, onlardan əksəriyyətinin tam həll olunaraq, digər müraciətlərlə bağlı vətəndaşlara müvafiq izahatlar verildiyi qeyd edilib.

Rayon Məşğulluq Mərkəzinin sektor müdiri Əfsanə Şeydayeva çıxışında müvafiq sahələrdə görülən işlər barədə məlumat verib.

Hesabat iclasının yekununda A.Fərzəliyev Nərimanov rayonunun sosial–iqtisadi inkişafı, əhalinin həyat səviyyəsinin yaxşılaşdırılması, geniş abadlıq və quruculuq işlərinin aparılması, onlara göstərilən kommunal və digər xidmətlərin səviyyəsinin yüksəldilməsi və s. istiqamətdə 2019-cu il üçün nəzərdə tutulmuş bütün tədbirlər, tapşırıq və göstərişlərin vaxtında və yüksək səviyyədə yerinə yetiriləcəyini və gələcəkdə də uğurla davam etdiriləcəyini vurğulayıb.


  • Abdin Fərzəliyev hesabat iclası keçirdi -FOTOLAR
  • Abdin Fərzəliyev hesabat iclası keçirdi -FOTOLAR
  • Abdin Fərzəliyev hesabat iclası keçirdi -FOTOLAR
  • Abdin Fərzəliyev hesabat iclası keçirdi -FOTOLAR