15 Sentyabr 2019
14 Sentyabr 2019
Zaqataladakı zəlzələnin fəsadları – İcra Hakimiyyətindən AÇIQLAMA
Zaqataladakı zəlzələnin fəsadları –İcra Hakimiyyətindən AÇIQLAMA HADİSƏ 14:02 2019-08-10

Azərbaycan Milli Elmlər Akademiyası nəzdində Respublika Seysmoloji Xidmət Mərkəzi bu gün 11:35 radələrində Zaqatalada 6 bal gücündə zəlzələ baş verdiyib açıqladı.

Unikal.org xəbər verir ki, rayonda insan tələfatı və dağıntıların barədə məlumat almaq üçün modern.az Zaqatala İcra Hakimiyyəti ilə əlaqə yaradıb.

Zaqatala Rayon İcra Hakimiyyəti başçısının köməkçisi Xəqani Məmmədov açıqlamasında tələfat və dağıntıların olmadığını söyləyib. O yalnız ötən zəlzələdən sonra qəzalı vəziyyətə düşən evlərdə çatların əmələ gəldiyini bildirib.

“Zaqatalada zəlzələ baş verib, ancaq dağıntı ilə bağlı bizdə məlumat yoxdur. Lakin keçmiş zəlzələdə qəzalı vəziyyətə düşmüş evlərdə çatlar yaranıb. Bununla bağlı bizə müraciət edənlərin sayı artır. Hər hansı bir insan tələfatı yoxdur. Bununla bağlı komissiya təşkil olunub, hazırda həmin evlərə baxış həyata keçirilir”.

Xəqani Məmmədov zəlzələnin gücünün 6 bal deyil, nisbətən az olduğunu da əlavə edib.