Amerika milyarderi Cefri Epşteyn həbsxanada intihar edib. 

Unikal.org APA-ya istinadən verdiyi məlumata görə, o, dünən gecə qaldığı kamerada özünə qəsd edib.

Milyarder onlarla azyaşlı qızı fahişəliyə cəlb etməkdə ittiham olunurdu. O, 2002-2005-ci illlərdə Nyu-Yorkda və Floridada yerləşən iqamətgahlarında qəbul etdiyi azyaşlı qızlarla cinsi münasibətdə olub. Cinayətləri sübut olunacağı təqdirdə onu 40 ildən çox həbs müddəti gözləyirdi. 

Qeyd edək ki, C.Epşteyn bu ilin iyul ayında həbs edilmişdi.