Göyçay rayonunun Bığır kəndi ərazisində baş vermiş qəza nəticəsində bir nəfər ölüb, daha 3 nəfər xəsarət alıb.

Unikal.org xəbər verir ki, Səhiyyə Nazirliyinin mətbuat katibi Pərviz Əbubəkirovun "Report"a verdiyi məlumata görə, 56 yaşlı kişi hadisə yerində dünyasını dəyişib.

"25 yaşlı iki nəfər və 37 yaşlı kişi Göyçay MRX-ya çatdırılıblar. 25 yaşlı xəstənin birində aşağı ətrafların sınığı, digər xəstələrdə isə müxtəlif dərəcəli travmalar olub. Hazırda müalicələri davam edir. Vəziyyətləri orta-ağır qiymətləndirilir", - deyə məlumatda bildirilir.