26 Avqust 2019
25 Avqust 2019
Prezident göstəriş verdi - BNA bu küçədə işlərə başladı (FOTOLAR)
Prezident göstəriş verdi -BNA bu küçədə işlərə başladı (FOTOLAR) CƏMİYYƏT 12:29 2019-08-14

Dövlət başçısının tapşırığına əsasən Məhəmməd Hadi küçəsində yol hərəkətinin təhlükəsizliyinin artırılması, fövqəladə hallar zamanı operativ nəqliyyat vasitələrinin sərbəst hərəkətinin təmin edilməsi məqsədilə Bakı Nəqliyyat Agentliyi tərəfindən yol infrastrukturunda bir sıra dəyişikliklər həyata keçirilir.

BNA-dan Unikal.org-a verilən məlumata görə, nəzərdə tutulan işlər çərçivəsində Məhəmməd Hadi küçəsində layihələndirmə işləri aparılıb. Bu zaman müasir küçə dizaynının elementlərindən istifadə edilib. Əsas dəyişikliklər səkilərin yolun hərəkət hissəsinə doğru genişləndirilməsi vasitəsilə təşkil ediləcək ki, bunun da bir sıra üstünlükləri vardır.

Planlaşdırılan dəyişikliyin əsas üstünlükləri:

• Piyadalar üçün piyada keçid məsafəsinin azaldılması və gözləmək üçün daha geniş səkinin təmin edilməsi;

• Ərazidə müşahidə edilən xaotik parklanma vəziyyətinin nizamlanması;

• Yol kəsişmələrində nəqliyyat vasitələri üçün münasib dönmə radiuslarının təşkili;

• Avtobus və taksi minik avtomobilləri üçün xüsusi yerlərin ayrılması.

Qeyd edək ki, işlərin bu ay ərzində yekunlaşması nəzərdə tutulub. Analoji tədbirlər yol infrastrukturunun imkan verdiyi digər küçələrdə də icra ediləcək.


  • Prezident göstəriş verdi -BNA bu küçədə işlərə başladı (FOTOLAR)
  • Prezident göstəriş verdi -BNA bu küçədə işlərə başladı (FOTOLAR)
  • Prezident göstəriş verdi -BNA bu küçədə işlərə başladı (FOTOLAR)
  • Prezident göstəriş verdi -BNA bu küçədə işlərə başladı (FOTOLAR)