Tovuz rayonun Bozalqanlı kəndində ağır yol qəzası baş verib. Qəza nəticəsində 5 nəfər ağır yaralanıb.

Unikal.org xəbər verir ki, 1990-cı il təvəllüdlü Namazlı  Nəbi  Sultan oğlu idarə etdiyi "Mercedes E-Class"markalı avtomobili ilə qəza törədib.

29 yaşlı sürücü idarə etməni  itirərək  ilk olaraq avtomobli  dəmir dirəyə daha sonra ağaca çırpıb və maşını dərəyə aşırıb. 

Hadisə nəticəsində sürücü  və  4 yaralı,  1997-ci il təvəllüdlü  Aslanov  Taleh Valeh oğlu,  1996-cı il təvəllüdlü  Səmədov  Murad Qoşqar oğlu,  1996-cı il təvəllüdlü Əmiraslanov Emil Nofəl oglu,  1996-cı il təvəllüdlü Namazov Səid Səfər oglu Təcili Tibbi Yardım maşınilə  Tovuz rayon Mərkəzi Xəstəxanasına çatdırılıb. Yaralılardan Murad Səmədovun vəziyyəti ağır olduğundan onu əməliyyat ediblər .Həkimlərin səyinə baxmayaraq Murad Səmədovun  həyatını xilas etmək mümkün olmayıb. Aparılan ilkin araşdırma zamanı məlum olub ki, onlar toy məclisindən gəlirmişlər.

Əldə etdiyimiz məlumata görə, sürücülük vəsiqəsi olmayan şəxs özünə aid olmayan avtomobili  sərxoş idarə edib. 

Faktla baglı araşdırma aparılır.