Sosial şəbəkədə cəsarətli paylaşımları ilə gündəmdə olan müğənni Afaq Aslan növbəti dəfə diqqət mərkəzinə düşüb.

Unikal.org xəbər verir ki, məşhur müğənninin İnstaqram hesabında paylaşdığı fotolar müzakirə mövzusuna çevrilib.

Bu dəfə kamera qarşısına qara rəngli alt paltarında çıxan Afaqı bu fotolara görə tənqid edənlər olsa da, yüz minlərlə pərəstişkarı paylaşımı bəyənib.

Sənətçinin fotonun üzərindəki qeydləri də diqqətdən yayınmayıb:

"Görəsən, mən yalqızam? Məsələn, mən insanların bəyənməyib uzaqlaşdırdığı insanlarla səhərə qədər danışa bilərəm. Çünki mənim üçün önəmli olan qarşımdakının xarici görünüşü, nə qədər məşhur olması və ya maddi durumu deyil, mənim üçün önəmli olan xarakteri, həyata baxışı və dəyəridir.

Çox insan ətrafdakıları xarici görünüşünə görə mühakimə edir. Hətta xarici görünüşünə və maddi durumuna görə dost olur. Amma mən o qədər insan tanıdım ki, zahiri görünüşləri xaricində heç nə deyillər. Və o qədər insan tanıdım ki, ürəklərinin gözəlliyi mənim onları sevməyimə bəs etdi".