18 Oktyabr 2019
17 Oktyabr 2019
Şəkidə tələbənin atraksiondan yıxılması faktı ilə bağlı cinayət işi başlandı - RƏSMİ
Şəkidə tələbənin atraksiondan yıxılması faktı ilə bağlı cinayət işi başlandı- RƏSMİ HADİSƏ 12:11 2019-09-17

Şəkidə yeniyetmə qızın atraksiondan yıxılması faktı ilə bağlı cinayət işi başlanıb.  

Bu barədə Unikal.org-a Baş Prokurorluğun Mətbuat xidmətinin böyük prokuroru Kənan Zeynalov məlumat verib. O bildirib ki, 2003-cü il təvəllüdlü Xəyalə Durmuşovanın Şəki rayonundakı M. F. Axundov adına istirahət parkında yıxılaraq bədən xəsarətləri alması faktı ilə bağlı Şəki rayon prokurorluğunda Cinayət Məcəlləsinin 314.1-ci (səhlənkarlıq) maddəsi ilə cinayət işi başlanıb.

İş üzrə hadisə yerinə baxış keçirilməklə şahidlər dindirilib və müvafiq ekspertizalar təyin olunub.  

K.Zeynalov həmçinin bildirib ki, hazırda iş üzrə bütün xüsusatlar tam və hərtərəfli araşdırılmaqla təqsirli şəxslərin müəyyən olunaraq əməllərinə hüquqi qiymət verilməsi təmin ediləcəkdir.