16 Oktyabr 2019
15 Oktyabr 2019
Azərbaycanın daha 12 rayonunda səyyar gübrə satışı keçiriləcək
Azərbaycanın daha 12 rayonunda səyyar gübrə satışı keçiriləcək İQTİSADİYYAT 18:32 2019-09-23

Sentyabr ayından etibarən “Aqrolizinq” ASC tərəfindən rayon mərkəzindən uzaq məsafədə yerləşən kəndlərdə mövsümi mineral gübrələrin, xüsusən də ammofos və nitroammofoska gübrələrinin güzəştli şərtlərlə səyyar satışına başlanılıb.

Kənd Təsərrüfatı Nazirliyindən Unikal.org-a verilən məlumata görə, növbəti satış Ağsu, İsmayıllı, Kürdəmir, Ucar, Göyçay, Cəlilabad, Astara, Lerik, Biləsuvar, Qusar, Siyəzən və Xızıda təşkil ediləcək.

Səyyar satışlar sentyabr 24-də Qusarın İmamqulu, Ağsunun Ləngəbiz, Astaranın Ərçivan kəndlərində, sentyabrın 25-də Qusarın Piral, İsmayıllının Qubaxəlilli, Lerikin Noda kəndlərində, sentyabrın 26-da Qusarın Dədəzeyxur, Kürdəmirin Yenikənd, Cəlilabadın Üçtəpə kəndlərində, sentyabrın 27-də Siyəzənin Məşrif, Ucarın Qəzyan, Cəlilabadın Cəngan kəndlərində, sentyabrın 28-də Göyçayın Qaraməryəm, Biləsuvarın Əsgərabad kəndlərində və Xızı şəhərində həyata keçiriləcək.

Qeyd edilən, həmçinin ətraf kəndlərin sakinləri tələb olunan sənədləri - torpaq aktı və ya çıxarış, icra nümayəndəsindən ərizə-məlumat formasını və şəxsiyyət vəsiqəsinin surətini təqdim etməklə 70 faiz güzəştdən yararlanaraq mineral gübrə ala bilərlər.

Səyyar satış xidmətlərinin təşkil ediləcəyi yerlər barəsində məlumat almaq üçün 1652 çağrı mərkəzi və (+99451) 2559383, (+99451) 2293207 əlaqə nömrəsinə müraciət etmək lazımdır.