21 Noyabr 2019
20 Noyabr 2019
BP şirkətinin rəhbəri postunu tərk edəcək
BP şirkətinin rəhbəri postunu tərk edəcək DÜNYA 18:02 2019-10-02

BP-nin rəhbəri Robert Dadli şirkətin rəhbəri vəzifəsindən ayrılacağını, lakin direktorlar şurası tərəfindən müvafiq qərarın hələlik olmadığını açıqlayıb.

Unikal.org Rusiya KİV-inə istinadən xəbər verir ki, bu barədə R.Dadli "Rusiya energetika həftəsi-2019" beynəlxalq forumu çərçivəsində jurnalistlərə bildirib.

Jurnalistlərin BP-dən ayrılıb-ayrılmayacağı ilə bağlı sualını cavablandırarkən Dadli deyib: "Bəli, bu, doğrudur. Tez-tez, təxminən, 65 yaşım olanda vəzifədən ayrılacağımı söyləyirdim. Odur ki, bunda xəbərlik bir şey yoxdur. Ancaq hələlik bu mövzuda direktorlar şurasının qərarı yoxdur”.

Bununla belə, R.Dadli BP rəhbəri vəzifəsindən ayrıldıqdan sonra nə edəcəyini açıqlamayıb.

Daha əvvəl "Sky News" telekanalı Britaniyanın biznes dairələrindəki mənbələrinə istinadən R.Dadlinin bu il ərzində vəzifəsini tərk edə biləcəyini məlumat vermişdi.