Tovuz rayonunda yerli sakin ehtiyatsızlığın qurbanı olub.

Unikal.org  report-a istinadən  xəbər verir ki,  rayonun Yuxarı Öysüzlü kənd sakini, 1981-ci il təvəllüdlü İsayev Mehman Yunis oğlu evindən kənarda olan bağda qoz ağacından yıxılıb. 

O, aldığı xəsarətlərdən hadisə yerində ölüb. M.İsayevin meyiti yaxınlıqdan keçən şəxslər tərəfindən aşkarlanıb və aidiyyəti qurumlara məlumat verilib.

Meyit ekspertizaya aparılıb.

Faktla bağlı Tovuz rayon Prokurorluğunda araşdırma aparılır.