12 Noyabr 2019
11 Noyabr 2019
Evdən 4900 dollar oğurlandı
Evdən 4900 dollar oğurlandı HADİSƏ 10:28 2019-10-09

Göyçayda evdən pul oğurlayan şəxs saxlanılıb.

Daxili İşlər Nazirliyinin (DİN) Mətbuat xidmətinin Şəki regional qrupundan Unikal.org-a verilən məlumata görə, oktyabrın 8-də Göyçay Rayon Polis Şöbəsinə (RPŞ) ərizə ilə müraciət edən rayon sakini yaşadığı evdən naməlum şəxs və ya şəxslər tərəfindən 4900 ABŞ dollarının oğurlanması barədə məlumat verib.

Daxil olan müraciətlə əlaqədar polis əməkdaşları tərəfindən hadisə yerinə baxış keçirilib. 

Keçirilən təxirəsalınmaz əməliyyat-istintaq tədbirləri nəticəsində həmin pulu oğurlayan şəxsin rayonun Çaxırlı kənd sakini Elməddin Vahidov olduğu müəyyən edilib və şübhəli şəxs qismində saxlanılıb.

İlkin ifadəsində o, törətdiyi olduğu cinayət əməlini etiraf edib və oğurladığı pulları öz əyləncəsi üçün xərclədiyini bildirib.

Faktla bağlı E.Vahidov barəsində Göyçüy RPŞ-nin İstintaq bölməsində cinayət işi başlanılıb, zəruri bilinən əməliyyat-istintaq tədbirləri davam etdirilir.