14 Noyabr 2019
13 Noyabr 2019
Ərdoğandan Merkelə sərt sözlər: Tərəfinizi seçin, ya biz, ya terrorçular!
Ərdoğandan Merkelə sərt sözlər:Tərəfinizi seçin, ya biz, ya terrorçular! DÜNYA 21:41 2019-10-13

Türkiyə Prezidenti Rəcəb Tayyib Ərdoğan Suriyada davam edən “Barış Pınarı” hərbi əməliyyatı haqqında Almaniya Baş naziri Angela Merkellə telefon danışığının detallarını açıqlayıb. 

Unikal.org  xəbər verir ki, bununla bağlı geniş mətbuat konfransı keçirən ölkə başçısı Merkellə açıq danışdığını və onun qarşsında şərt qoyduğunu qeyd edib. 

“Barış Pınarı” əməliyyatları başladıqdan sonra həm ölkəmizdə, həm də beynəlxalq aləmdə kimin harda durduğunu gördük. Bizi iqtisadi və hərbi sanksiyalarla hədələyənlər var. 

Merkeldən açıqca soruşdum: Biz sizinlə NATO-da müttəfiq deyilik? Bəlkə terror qruplaşmasını NATO-ya almısınız bizim xəbərimiz yoxdur? Bizim tərəfimizdəsiniz, ya terrorçuların?  

Hamınız onların tərəfində yer almısınız. ABŞ terrorçulara 30 yük maşını həcmində silah, sursat yollayır. Biz indi niyə Suriyadayıq? Terroçuların etdikləri bezdirdi artıq.  

Bizi kimsə belə hədələrlə, sanksiyalarla yolumuzdan edə bilməz”, - deyə Ərdoğan bildirib. 

Qeyd edək ki, əməliyyatların əsas məqsədi Türkiyənin cənub sərhədində yaradılması planlaşdırılan “terror dəhlizini” aradan qaldırmaq, sərhəd bölgəsində başda PKK olmaqla, bütün terror təşkilatlarını məhv etmək, eyni zamanda, yurdundan didərgin düşmüş Suriya xalqını təhlükəsiz şəkildə yenidən ölkəsinə qaytarmaqdır.