18 Noyabr 2019
17 Noyabr 2019
Türkiyədə müəmmalı qəza: rusiyalı nüvə mühəndisləri öldü- FOTO
Türkiyədə müəmmalı qəza:rusiyalı nüvə mühəndisləri öldü- FOTO DÜNYA 15:25 2019-10-19

Rusiyanın Türkiyədə, Mersin vilayətində inşa etdiyi "Akkuyu Atem Elektrik Stansiyası"nda (AES) işləməyə gələn mühəndisləri gətirən minibus qəzaya uğrayıb.

Unikal.org  bildirir ki,  "CNNtürk" kanalının verdiyi xəbərə görə, hadisə zamanı 2 mühəndis ölüb, sürücü ilə birlikdə 11 nəfər ağır yaralanıb.

Gələn informasiyalara əsasən, Mersinin Gülnar rayonuna bağlı Böyükeyceli bölgəsində yerləşən AES-də çalışmaq üçün gələn mühəndislər Rusiyadan öncə Antalyaya gəliblər, orada isə Ömər Ö. adlı sürücünün idarə etdiyi minibusa miniblər.

Rusiya vətəndaşlarının olduğu avtomobil Mersinin Silifke rayonunun Ağdərə kəndi yaxınlığında arxadan ağır yük avtomobili ilə toqquşub. Çarpışmanın təsiri ilə minibus yük maşınının yedəyinin altına girib.

Ölən mühəndislərin Denis Petrpuk və Andrey Voronov olduğu bildirilir.

Yoldan keçən sürücülərin xəbər verməsi ilə hadisə yerinə təcili yardım maşınları, jandarmeriya və polislər cəlb olunub. Yaralıların hamısı Silifke dövlət xəstəxanasına yerləşdirilib.


  • Türkiyədə müəmmalı qəza:rusiyalı nüvə mühəndisləri öldü- FOTO
  • Türkiyədə müəmmalı qəza:rusiyalı nüvə mühəndisləri öldü- FOTO
  • Türkiyədə müəmmalı qəza:rusiyalı nüvə mühəndisləri öldü- FOTO