Azərbaycanda Rəqabət Məcəlləsinin layihəsi hazırlanıb.

Unikal.org-un məlumatına görə, bu barədə Azərbaycanın 2020-ci il dövlət büdcəsinin zərfində qeyd edilib.

Belə ki, rəqabət mühiti ilə bağlı qanunvericilik bazasının formalaşdırılması məqsədilə Rəqabət Məcəlləsinin layihəsi hazırlanaraq aidiyyəti üzrə təqdim olunub.

Qeyd edək ki, 2020-ci il dövlət büdcəsinin zərfinə daxil olan qanun layihələri Milli Məclisin noyabrın 12-i, 13-ü və 14-də keçiriləcək iclaslarında müzakirəyə çıxarılacaq.

Xatırladaq ki, Rəqabət Məcəlləsini 2006-cı ildə Prezident Milli Məclisə təqdim edib. Qanun layihəsi 2 oxunuşdan keçsə də, 3-cü oxunuşa çıxarılmayıb.