İranın Təhlükəsizlik qüvvələri Təbrizdə bir sıra Güney azərbaycanlı milli fəalların evlərinə hücum edərək, onlardan dördünü həbs edib.

Unikal.org xarici mətbuata istinadla xəbər verir ki, həbs edilən fəalların Davud Şiri, Əyyub Şiri, Ruzbeh Piri və Yaşar Piri olduğu bildirilir.

Məlumatlara görə, təhlükəsizlik qüvvələri bir neçə Güney Azərbaycan milli fəalını evdə olmadığı üçün həbs edə bilməyib.

Qeyd edək ki, təhlükəsizlik qüvvələri saxlanılan milli fəalların evlərində axtarış aparıb, onların şəxsi əşyalarını belə götürüb aparıblar.