ABŞ prezidenti Donald Tramp Nyu-York ştatında, Nyu-Cersi və Konnektikut ştatlarının qonşu rayonlarında karantin rejiminin tətbiq edilməyəcəyini bildirib.

Unikal.org xəbər verir ki. D.Tramp bu barədə öz "Twitter" səhifəsində yazıb.

Onun sözlərinə görə, karantin rejiminin əvəzinə federal səlahiyyətlilər bu bölgələrin sakinlərini hərəkətlərini ciddi şəkildə məhdudlaşdırmağa çağıracaqlar, ancaq rəsmi qadağa olmayacaq:

"Ağ Evin koronavirusla mübarizə üzrə mütəxəssislər qrupunun tövsiyəsinə əsasən və Nyu-York, Nyu-Cersi, Konnektikutun qubernatorları ilə məsləhətləşmələrdən sonra mən Xəstəliklərə Nəzarət və Profilaktikası Mərkəzlərindən hərəkətin ciddi şəkildə məhdudlaşdırılması ilə bağlı tövsiyələrin dərc edilməsini istədim. Karantinin tətbiq edilməsinə ehtiyac olmayacaq".