Çexiya Xarici İşlər Nazirliyi Azərbaycan Respublikasının işğal olunmuş Dağlıq Qarabağ bölgəsində separatçı rejimin keçirdiyi qondarma prezident və parlament seçkiləri ilə bağlı bəyanat yayıb.

Unikal.org xəbər verir ki, bəyanatda Çexiyanın martın 31-də baş tutmuş qondarma seçkilərin konstitusiya və hüquqi bazasını tanımadığı qeyd olunub.

“Çexiya ATƏT-in Minsk qrupunun və onun həmsədrlərinin fəaliyyətini tam dəstəkləyir, münaqişə ilə əlaqəli bütün tərəfləri sülh prosesini davam etdirməyə çağırır və BMT Baş katibinin 23 mart 2020-ci il tarixli qlobal atəşkəsə çağırışını dəstəkləyir”, - bəyanatda deyilir.