Pandemiya fonunda biznesdəki uğursuzluqlar 50 yaşlı azərbaycanlı iş adamının Rusiyada faciəvi ölümü ilə nəticələnib. 

Unikal.org xarici mətbuata istinadən xəbər verir ki, bu barədə “MK” xəbər yayıb. Onun yanmış cəsədi Moskva vilayətinin Lyubertsı şəhərində tapılıb.

Məlumata görə, azərbaycanlı iş adamı meyvə və tərəvəz ticarəti ilə məşğul olub. Onun mağazası yerli sakinlər arasında məşhur imiş. Lakin pandemiya iş adamının işinə ciddi zərər vurub. 

Müstəntiqlər mərhumun Rusiya paytaxtında taksi sürücüsü işləyən qardaşı ilə əlaqə saxlayıblar. O, qardaşının problemlərdən şikayət etmədiyini və borcunun olmadığını vurğulayıb.

Faktla bağlı araşdırma davam etdirilir.